လူ့ဘဝရဲ့ လေးပုံတစ်ပုံဟာ အိပ်စက်ခြင်းနဲ့ ကုန်ဆုံးရလေ့ရှိပါတယ်။ ဒီလို အရေးပါလွန်းတဲ့ အိပ်စက်ခြင်းအကြောင်းကို အာရှတော်ဝင်ဆေးရုံကြီးရဲ့ ဖေ့စ်ဘုတ်စာမျက်နှာကနေ တင်ဆက်ပေးဖို့ ရွေးချယ်ထားပါတယ်။

ကျွန်တော်တို့လူသားတွေဟာ အိပ်စက်ခြင်းကို ရှောင်လွှဲလို့ မရနိုင်ပါဘူး။ အထူးသဖြင့် ညဖက်မှာ လူတိုင်းနီးပါး အိပ်စက်အနားယူကြပါတယ်။ ကျွန်တော်တိုလူသားတွေဘာကြောင့် အိပ်စက်အနားယူရပါသလဲ….?

အိပ်ရေးမဝခြင်းများ၊ အိပ်ရေး၀၀မအိပ်ရခြင်းများကြောင့် ရုပ်ပိုင်းဆိုင်ရာ အားနည်းခြင်းများဖြစ်လာတတ်ပါတယ်။ အထူးသဖြင့် အမျိုးသမီးများအတွက် အိပ်စက်ခြင်းက ကျန်းမာရေးနှင့်ညီညွှတ်သောကြောင့် အလွန်ပင်အရေးပါလှပါတယ်။ အိပ်ပျော်နေစဉ် ခန္ဓာကိုယ်ရဲ့ အစိတ်အပိုင်းအားလုံးကလည်း အားပြန်ယူပြီး သန့်စင်ပေးပါတယ်။ ကောင်းကောင်းအိပ်စက်ရတယ်ဆိုရင်တော့ ခန္ဓာကိုယ် လုပ်ဆောင်ချက်များအားလုံးက အခြေအနေအကောင်းမွန်ဆုံးပါပဲ။